Nhar il-Hamis 14 ta’ Lulju 2022 ipprezentajt formalment in-Nomina ghall-Elezzjoni ghal kariga ta’ Vici Kap tal-Partit Nazzjonalista. Dan huwa pass li qed naghmel b’lealta’ lejn il-Partit, b’umilta’ u b’sens ta’ responsabilita’ lejn il-pajjiz.
Kelli l-privileġġ li nservi bħala Teżorier tal-Partit u bħala President tal-Kumitat Eżekuttiv, it-tnejn f’mumenti ta’ sfida liema bħalha.
Hawn ikkonfermajt dak li dejjem emmint, cioe’ li huwa bil-kuraġġ, bid-determinazzjoni, bil-kompetenza u bl-integrita’ li politiku għandu jidderiġi ħidmietu sabiex mal-Partit inwettqu fil-prattika dak li nemmnu.
F’dan il-mument determinanti fl-istorja ta’ pajjiżna l-Partit Nazzjonalista hu msejjaħ bil-qawwa biex ikun Gvern alternattiv serju u kredibbli.
Il-Partit hu msejjaħ biex jersaq ‘l quddiem u jaħdem biex, flimkien intejbu l-livell ta’ għixien ta’ eluf li tħallew lura f’dawn l-aħħar snin. Noffru viżjoni ċara ta’ oqsma ġodda fejn iż-żgħażagħ tagħna jistgħu jimirħu u l-bżulija tal-Maltin u l-Għawdxin tissarraf f’ġid b’rispett lejn l-ambjent u dik il-kwalita’ tal-ħajja li kulħadd jixtieq. Inqaċċtu l-mostri tal-korruzzjoni u tbagħbis fil-ħajja pubblika li fnew lil pajjiżna u li tant dgħajfu l-isem tajjeb li konna ngawdu.
F’ħajti din hi l-Malta li nixtieq li jiena, uliedi u aħna lkoll ngħixu fiha.
Din hija l-viżjoni li, fil-ħidma politika tiegħi, inħoss ir-responsabilita’ li naħdem biex naraha titwettaq.
Flimkien intejbu l-livell ta’għixien ta’ eluf li tħallew lura f’dawn l-aħħar snin.
Filwaqt li ħafna drabi jissemmew ċirkostanzi u avvenimenti ta’ skandlu u ta’ inkwiet kbir fuq l-aġenda politika nazzjonali, jinħtieg inżommu quddiem għajnejna l-fatt li matul dawn l-aħħar snin, bħala fatt, kiber sew in-numru ta’ dawk li qedhin fil-faqar jew f’riskju ta’ faqar. Insemmu l-kelma “numru” imma hawn mhux fuq numri qed nitkellmu, imma fuq żagħżagħ, fuq ommijiet u missirijiet, u fuq pensjonanti. Il-ġid mhuwiex qed jitqassam kif suppost u dan qed joħloq sitwazzjoni li tinħtieġ attenzjoni mmedjata.
Flimkien noffru viżjoni ċara ta’ oqsma ġodda fejn iż-żagħżagħ tagħna jistgħu jimirħu u l-bżulija tal-Maltin u l-Għawdxin tissarraf f’ġid b’rispett lejn l-ambjent u dik il-kwalita’ tal-ħajja li kulħadd jixtieq.
Malta hija ekonomija miftuħa li tistrieh bil-fors l-aktar fuq l-imħuħ, id-dirgħajn u s-sens imprenditorjali taċ-ċittadini tagħha. Hi responsabilita’ tal-Gvern tal-ġurnata li joffri viżjoni ċara u jaħdem biex din il-viżjoni tissarraf f’sensiela ta’ opportunitajiet, waħda wara l-oħra, biex dejjem jinħolqu opportunitajiet ġodda halli kull min hu kapaci, kulħadd skond il-kapaċita’ tiegħu, jiġri u jimrah. Fl-istess waqt il-politika trid tara wkoll bħala prijorita’ li ħadd ma jibqa’ lura. Dan kollu jinħtieġ li jsehh waqt li l-kwalita’ tal-ħajja tagħna tiġi protetta u msaħħa mill-Gvern għaliex dan hu pajjizna; hawn hu fejn ngħixu; fejn inrabbu l-familja; fejn naħdmu; fejn nistrieħu u fejn naspiraw li nibqgħu mexjin b’serenita’ u b’serħan -il moħħ.
Flimkien inqaċċtu l-mostri tal-korruzzjoni u tbagħbis fil-ħajja pubblika li fnew lil pajjiżna u li tant dgħajjfu l-isem tajjeb u r-reputazzjoni li konnha ngawdu.
Pajjizna ma jiflaħx aktar. Storja wara l-oħra; każ ikraħ wara l-iehor; każ kważi li l-anqas jitwemmen wara l-ieħor. Ma kien jixraqilna qatt u qatt li mill-għajta ta’ l-aqwa fl-Ewropa nispiccaw l-ewwel pajjiż fl-Unjoni Ewropea li tniżżel fl-għajb u l-inkwiet tal-Lista l-Griża internazzjonali. Din hija daqqa ta’ ħarta kbira fuq setturi essenzjali ghall-ekonomija tagħna; fuq l-eluf li jgħixu direttament mis-settur tas-servizzi finanzjarji u fuq eluf akbar li kienu jiggwadanjaw ħafna indirettament minnu. Pajjiżna din ma kienetx tixraqlu u hu tassew diffiċli kif wieħed jifhem li min wassalna hawn jista jkun hu li joħroġna minnha.
Alex Periċi Calascione twieled il-Belt Valletta fiż-17 ta’ Ġunju 1962. Attenda l-iskola ta’ Saint Joseph Blata l-Bajda għall-edukazzjoni primarja tiegħu. Għall-edukazzjoni sekondarja u Sixth Form huwa attenda l-Kulleġġ San Alwiġi. F’Novembru 1986 huwa ggradwa bħala avukat mill-Universita’ ta’ Malta. Beda jipprattika l-professjoni legali tiegħu fl-1987.
Tul il-karriera professjonali tiegħu, Alex Periċi Calascione, ħadem bħala konsulent ma’ bosta kumpaniji ewlenin kemm Maltin kif ukoll barranin. Barra minn hekk huwa ta l-kontribut tiegħu biex numru ta’ kumpaniji u għaqdiet igawdu minn fondi tal-UE għall-proġetti partikolari tagħhom. Mill-1991 sal-1996 Alex kien maħtur bħala Kummissarju tal-Ġustizzja…
AQRA IKTAR
Sensiela ta’ artikli u ħsibijiet politiċi miktuba minn Dr. Alex Perici Calascione.
Din hija kampanja min-nies biex Malta tinbidel għall-aħjar. U dan huwa l-ewwel pass tiegħek biex issir parti minn din il-bidla.
Se nkunu qed niġġieldu kontra magna b’finanzi inkredibbli warajha, iżda ninsabu fiduċjużi li nistgħu nirbħu din il-battalja bl-appoġġ tagħkom.
Jiena, Alex Perici Calascione, nistedinkom tingħaqdu miegħi fil-kampanja tal-Partit Nazzjonalista…kun inti ukoll parti mil-bidla.
Tixtieq tgħamel kuntatt jew tiltaqa’ ma’ Alex. Imla l-formula jew ibgħat emajl fuq info@alexpericicalascione.mt u ngħamlu mill-aħjar biex nirrisponduk mill-aktar fis.
Segwi fuq Facebook: @alexpericicalascione/
Segwi fuq Instagram: @alexpcalascione
